मिति २०६८ पुष १०, कुनै पनि हिंसा पीडित महिलाले उजुरी गरेको २४ घण्टाभित्र हिंसाको सही सम्वोधन गर्ने संयन्त्रको विकास गर्नुपर्ने र महिला मानव अधिकार रक्षक” हरूको सुरक्षाका लागि नीतिगत व्यवस्था गर्नुपर्ने माग सहित महिला हिंसा विरुद्धको १०० दिने अभियान सुरु भएको छ । महिलामाथि हुने हिंसा मानव अधिकारको हनन भन्ने कुरा अझैपनि हाम्रो समाजले बुझ्न सकेको छैन ।  महिलामाथि हुने हिंसाले महिलालाई मात्र होइन, घर परिवार र राज्यलाई नै प्रभाव पार्दछ,, नागरिकहरूको मानसिक, शारीरिक र देशको सामाजिक स्वास्थ्य स्थितिमा गम्भीर प्रभाव पार्छ भन्ने कुराको  आम अनुभुति  हुन नसकेको स्थिती छ । महिलामाथि हुने हिंसा अन्त्यकालागि नै सरकारले विभिन्न तहमा राष्ट्रिय तथा अन्तर्राष्ट्रिय प्रतिवद्धताहरू जारी गरेको छ यसै अनुसार केही नयाँ कानुनको निर्माण भएका छन् । यो निश्चय पनि सकारात्मक कदम हो तर यस्ता कानुन र नीतिहरूको कार्यान्वयन प्रभावकारी हुन सकेको छैन । देशमा बढ्दै गएको दण्डहीनता, राजनीतिको अपराधीकरण र अपराधको राजनीतिले हिंसा गर्नेहरूलाई बल पु¥याएको छ । पीडित अझ पीडित बन्न पुगेका छन् । देशमा बढ्दै गएको भ्रष्टाचारले यसलाई अझ जटिल बनाएको छ । यो स्थितिमा परिवर्तन नआएसम्म देशमा लोकतन्त्र बलियो हुन सक्दैन । शान्ति स्थापना हँुदैन । यही अवस्थामा केन्द्रित भई यस्तो अवस्थामा परिवर्तन ल्याउने उद्देश्यले महिला मानव अधिकार रक्षकहरूको राष्ट्रिय संजालले  दुईवटा माग राखी १०० दिने अभियानको शुरु गरेको  छ  जुन चैतको ८ गतेसम्म बिभिन्न कार्यक्रम गरि समुदायस्तरदेखि राष्ट्रिय स्तरसम्म मनाईनेछ ।  

बिषयबस्तु  

ओरेक नेपालले अभिलेखिकरण गरेका तथा विभिन्न दैनिक पत्रपत्रिकाहरुबाट प्राप्त तथ्याकंका आधारमा मंसिर महिनामा १४४ जना महिलामाथि हिंसा भएको पाईएको छ । जसमध्ये सबैभन्दा बढी घरेलु हिंसाका ४४ वटा घटना रहेका छन् । ओरेक नेपालद्घारा प्रकासित महिला हिंसाबिरुद्धको बर्ष पुस्तक ‘अन्वेषी २०११’ मा पनि अभिलेखिकरण गरिएका घटनाहरुमध्ये सबैभन्दा बढी ६७ प्रतिशत महिलाहरुमा घरेलु हिंसा रहेको पाईएको छ । यी घटना मध्ये पनि सबैभन्दा बढी ७४ प्रतिशत महिला आफ्नै श्रीमान्बाट हिंसामा परेको र २६ प्रतिशत परिवारका अन्य सदस्यहरुबाट हिंसा खप्न बाध्य रहेको तथ्याकंले देखाएको छ । महिलाहरु सबैभन्दा बढी  आफ्नै घरपरिवारमा असुरक्षित छन् भन्ने कुरालाई यस तथ्यांकले पुष्टि गरेको छ  ।   

मंसिर महिनामा ४४ जना महिलाले आºनै परिवारबाट यातना पाएका छन् । ७ जना महिलाको हत्या भएको छ  ३ सामुहिक सहित २१ वटा बलात्कारका घटना भएका छन् भने ३ जनामाथि वलात्कारको प्रयास भएको छ ।  ५ जनालाई कथित वोक्सीको आरोप लगाईएको छ । 

मंसिर महिनामा महिलामाथि भएका हिंसाका घटनाको प्रकार र संख्या यसप्रकार रहेको छ

हिंसाको प्रकार संख्या

घरेलु हिंसा ४४

कुटपिट १९

गाली गलौंज ४

बलात्कार १८

बलात्कार प्रयास ३

सामुहिक बलात्कार ३

हत्या ७

ठगी ३

अपहरण १

सामाजिक हिंसा ३

धम्की ४

वेचविखन प्रयास ४

मानसिक यातना ३

बोक्सीको आरोप ५

अलपत्र, बेपत्ता  २

बहुबिवाह १४

यौंन शोषण / चारीत्रिक आक्षेप ७

जम्मा   १४४