मिति  २०६७/१/२

२०६६ चैत्र २९ गते आइतबार दिउँसो १२ः५५ बजेतिर सेती अञ्चल अस्पताल अगाडी रहेको दिप्ती सपिङ सेन्टरमा आफन्त भेट्न गएको समयमा महिला मानव अधिकार रक्षक जिल्ला सन्जाल, कैलालीकी सदस्य ध.न.पा.,२, त्रिवेणी चोक बस्ने माहेनिगार अन्सारीलाई ध.न.पा.२ बस्ने सेख मुनिल अहमदले  चरित्रहिन भएको आरोप लगाउँदै मार्ने धम्की दिएर  मुक्काले टाउको र निधारमा कुटपिट गरी गंभिर घाइते बनाएको घटना प्रति महिला मानवअधिकार रक्षक राष्ट्रिय सञ्जाल घोर भर्त्सना गर्दछ। घाइते अन्सारीलाई सेती अञ्चल अस्पताल, धनगढीमा भर्ना गरी उपचार गरिएको थियो। उपचारमा सँलग्न डाक्टरका अनुसार उहाँको टाउकोमा चोट लागेको छ। 
 
घटना लगत्तै पीडितले जिल्ला प्रहरी कार्यालय, कैलालीमा उजुरी दिएको थियो। लामो समयदेखि मुश्लिम समुदाय मात्र नभै मानव अधिकारको क्षेत्रमा क्रियाशील महिला मानवअधिकार रक्षक  अन्सारी माथि भएको कुटपिट र गाली गलौजका घटनाले सम्पूर्ण अधिकारकर्मी महिलाहरुलाई  मर्माहत तुल्याएको छ। 
    स्वतन्त्र रुपमा मानव अधिकार, महिला अधिकारको पक्षमा वकालत गरेकै कारण वा मानवअधिकार संरक्षण तथा संवर्द्धनको लागि क्रियाशील भएकै कारण महिला मानवअधिकार रक्षक माथि सार्वजनिक स्थलमा दिन दहाडै कुटपिट र गाली गलौज हुनुले कानुनी राज्यको उपहास भएको   छ। यसरी सार्वजनिक स्थलमा ज्यान मार्ने उद्देश्यले भएको कुटपीटको घटना प्रति महिला मानव अधिकार रक्षक राष्ट्रिय सन्जाल, घटना प्रति खेद प्रकट गर्दै पीडक सेखमुनिल अहमदलाई तत्काल पक्राउ गरी कडा भन्दा कडा कानुनी कार्वाही गरी पीडितलाई उचित न्याय दिन सरकार समक्ष जोडदार माग गर्दछ। 
 
 
 
                                                                                                                    टिका दाहाल 
                                                                                                                        सचिव 
                                                                                               महिला मानवअधिकार रक्षक राष्ट्रिय सञ्जाल